Ang Bugtong

Ang Bugtong

Ang bugtong ayon sa mga matatanda ay nagpapatalas ng isip. Ito rin ay nagpapakilala ng katalinuhan ng bumibigkas nito lalo na at marami siyang alam na bugtong at ang iba ay sarili niyang akda. Ang bugtong ay binubuo lamang ng dalawang taludtod na may sukat at tugma.

Mga halimbawa ng bugtong

1. Sa ilalim kabatuhan, sa ibabaw kaararuhan. ( Cacao)

2. Isang baging, iisa ang dahon.    ( Saranggola) 

3. Buntot ng alamid naka- salasalabid. Pitong kabundukan, sinalasalabidan. (Daan)

4. Bahay ni San Gabriel, nakapaikot ay granada. (Papaya)

5. Hindi tao, hindi hayop, may tao, may hayop. (Piso)

6. Ako'y may tapat na kaibigan saan man ako magpunta, kasama ko, Sa apoy ay hindi nasusunog. Sa tubig ay hindi nalulunod. ( Anino)

7. Hawakan mo ang buntot ko at sisisid ako. ( Tabo)

8. Alis diyan at ako riyan. ( Patak ng ulan)

9. Langit sa itaas, langit sa ibaba. Tubig sa gitna.  ( Buko)

10. Anong magandang larawan na katulad ng mukha mo. ( Salamin)